थंडी पडायला सुरुवात झाली की गरम कपड्यांसोबतच आठवण होते ती शेकोटीची. रात्री सगळं आटोपल्यावर मस्त शेकोटी भोवती गोल करुन गप्पा करत करत हातपाय शेकणे म्हणजे मजाच असे .किंवा घरातल्या घरात घमेल्यातच असा शेकोटीचा आनंद घेता येतो पण खेड्यातली मजा ती औरच, त्याला तोडच नाही. सकाळी दात घासायला सुद्धा पाणी तापवायला ठेवलेल्या चुलीसमोर बसुन दात घासणे .तिथेच बसुन दूध किंवा चहा पिणे इतकेच काय तर एखादा बटाटा किंवा रताळ त्याच चुलीत भाजून नास्ताही उरकणे. आहे की नाही गंमत ! ....एक गहू तिचे प्रकार बहू ह्याच म्हणीप्रमाणेच... एक चूल तिचे उपयोग फुल्ल! ...जरा गमतीने जुळवलय पण मान्य करु शकतो.
थंडीच्या मोसमात भरताची वांगी ,हुरड्याची डहाळी, हरबर्याची डहाळी तिथल्यातिथे गरमागरम भाजून खाणे म्हणजे तर पर्वणीच! हा रानमेवा तर रसना तृप्त करतो पण मन भरत नाही असं काहीसं होतं...........पेरु, बोरं ,आवळा ,संत्री हे तर अजुन रांगेत उभे केलेच नाही. एकीकडे थंडीने येणारा सर्दी ,खोकला आणि ह्या फळांचे आगमन म्हणजे तुझं नि माझं जमेना पण तुझ्याविना करमेना असे. तोंडाला चव आणणारे नि मिटक्या मारत खाणारे हे सगळे प्रकार आपल्याला खुणावतातच.जेवण झाल्यावर मस्त ऊन्हात बसुन ही फळं खाणे म्हणजे स्वर्गसुखच.!............... त्यात भाज्याही कुठेच मागे नाही संपूर्ण बाजार हिरव्यागार रसरशीत पालेभाज्या ,फळभाज्यांनी भरलेला. कोंथिबीरीची वडी खावी ती याच दिवसात तर उंधियो प्रकारची मिक्सभाजी सर्वगुणसंपन्न अशी आणि भरीत भाकरीचा बेत म्हणजे तर अस्सल वर्हाडी मेनू. कधी दह्यातल भरीत धांड्यांच्या दांडीने हुरड्यासोबत शेतात खाल्लेल तर कधी खानदेशी चमचमीत भरीत भाकरी ठेच्यासह खाल्लेलं अवर्णनीय! ........ह्याच थंडीत शरीराच भरण पोषण करणारे मेथीडिंकाचे लाडू किंवा संक्रातिचा तीळगुळाचा लाडू आवश्यकच शरिराला उर्जा मिळावी म्हणून ! खा......खा....नि खा मस्त तब्येत करा हे या ऋतूच तंत्र!.............................
वसंताची चाहूल लागते तशी झाडेही लदलदून तयार झालेली. तिला लागलेली टवटवीत तजेलदार फुले तर मनमोहकच! शेवंती,गुलाब ह्या बहारदार फुलांनी सजलेली झाडे बघून आपलिही अवस्था एखाद्या भुंग्यासारखी न झाली तर नवलच! आणि अशा सुंदर मनभावन काळात येणार्या सणांच्या आगमनाने ते साजरे करण्याचा हर्षोल्हास द्विगुणीत होणंही तितकच साहजिक म्हणूच वाटतं की,
ऋतू मागुनी ऋतू येती
वसंताची त्यात ख्याती
फुले ,फळे, भाज्या त्या किती
नवरसना तृप्त करिती !!!
@अर्चना मुळ्ये.
थंडीच्या मोसमात भरताची वांगी ,हुरड्याची डहाळी, हरबर्याची डहाळी तिथल्यातिथे गरमागरम भाजून खाणे म्हणजे तर पर्वणीच! हा रानमेवा तर रसना तृप्त करतो पण मन भरत नाही असं काहीसं होतं...........पेरु, बोरं ,आवळा ,संत्री हे तर अजुन रांगेत उभे केलेच नाही. एकीकडे थंडीने येणारा सर्दी ,खोकला आणि ह्या फळांचे आगमन म्हणजे तुझं नि माझं जमेना पण तुझ्याविना करमेना असे. तोंडाला चव आणणारे नि मिटक्या मारत खाणारे हे सगळे प्रकार आपल्याला खुणावतातच.जेवण झाल्यावर मस्त ऊन्हात बसुन ही फळं खाणे म्हणजे स्वर्गसुखच.!............... त्यात भाज्याही कुठेच मागे नाही संपूर्ण बाजार हिरव्यागार रसरशीत पालेभाज्या ,फळभाज्यांनी भरलेला. कोंथिबीरीची वडी खावी ती याच दिवसात तर उंधियो प्रकारची मिक्सभाजी सर्वगुणसंपन्न अशी आणि भरीत भाकरीचा बेत म्हणजे तर अस्सल वर्हाडी मेनू. कधी दह्यातल भरीत धांड्यांच्या दांडीने हुरड्यासोबत शेतात खाल्लेल तर कधी खानदेशी चमचमीत भरीत भाकरी ठेच्यासह खाल्लेलं अवर्णनीय! ........ह्याच थंडीत शरीराच भरण पोषण करणारे मेथीडिंकाचे लाडू किंवा संक्रातिचा तीळगुळाचा लाडू आवश्यकच शरिराला उर्जा मिळावी म्हणून ! खा......खा....नि खा मस्त तब्येत करा हे या ऋतूच तंत्र!.............................
वसंताची चाहूल लागते तशी झाडेही लदलदून तयार झालेली. तिला लागलेली टवटवीत तजेलदार फुले तर मनमोहकच! शेवंती,गुलाब ह्या बहारदार फुलांनी सजलेली झाडे बघून आपलिही अवस्था एखाद्या भुंग्यासारखी न झाली तर नवलच! आणि अशा सुंदर मनभावन काळात येणार्या सणांच्या आगमनाने ते साजरे करण्याचा हर्षोल्हास द्विगुणीत होणंही तितकच साहजिक म्हणूच वाटतं की,
ऋतू मागुनी ऋतू येती
वसंताची त्यात ख्याती
फुले ,फळे, भाज्या त्या किती
नवरसना तृप्त करिती !!!
@अर्चना मुळ्ये.
No comments:
Post a Comment